Пелистерски Очи                                           

Големо и Мало Езеро на Пелистер

Тргнувајќи од претходно договорена локација во Битола, нашиот лиценциран водич во планина со теренско возило 4×4, ќе ве однесе на 8-9 часовна авантура до ледничките езера во Националниот парк ,,Пелистер“.

Големо Езеро 

Мало Езеро 

На оваа два и пол часовна авантура во еден правец, ќе имате прилика од теренското возило, да уживате во прекрасната природа, да го почувствувате чистиот, свеж воздух и да се запознаете со вечно зелениот и ендемски вид на  бор – Молика, кој расте  само овде. Најсреќните ќе можат да видат и дел од различните животински видови кои гравитираат на просторот на НП,,Пелистер“, па можеби дури и познатиот пелистерски рис.

На надморска висина од 2.180 метри,заедно со планинарскиот водич ќе имате шанса да пешачите покрај езерата и да стигните до единственото место од каде може да се видат и фотографираат 24-те врвови од НП,,Пелистер“, повисоки од 2.000 м.н.в., прекрасното Преспанско Езеро, Пелагониската котлина,околните планини, како и автентичната линија со ровови од македонскиот дел од фронтот за време на Првата светска војна. После сето ова ви препорачуваме да го пробате вкусот на планинскиот чај или домашниот сок од боровинки и да уживате во вкусот на традиционалната храна и пијалоци во планинарскиот дом, кој се наоѓа во непосредна близина на Големо Езеро.

     Фото галерија

« ‹ на 3 › »